~Attention Plz~

相信post 左呢兩張相之後，其他野乜都唔駛講!

係！我係結婚~不過係出年!

係老友，記得到時黎飲!

另外，xanga將會不時update，但會以yahoo blog為主

http://hk.myblog.yahoo.com/leoncoey0501/

請問這樣算什麼!

睇唔過眼！究竟呢位小姐係咪"真心"出黎為藏獨抗議呢？！定係另有目的？

我諗，自從2/5之後，佢的目的顯而易見！

完全係"博出位"！

小姐，好一句"如果西藏有一個人認為要獨立，都應該大聲講出黎！"...Come on!佢地班人攪左d乜出黎，應該所有人都睇到囉！

殺人、放火樣樣做齊，仲要為呢d同"法輪功"冇分別的人是非不分，真係好野！

陳巧文！你係咪以為你咁做係好型呢？！

不知所謂！

金句

近日睇到林惠美講佩服黃偉文，其實我又何嘗唔係呢！

帶過俾我好多金句，好多愛情的道理、態度

最經典的一句係"最佳位置"入面

虔誠地熱戀一輩子　共你也許真的不容易
喜歡你最好不要講　安守這位置

好窩心，好卑微

亦都係我同Kate其中一d共同的戀愛態度

由這一分鐘開始計起　春風秋雨間
限我對你以半年時間　慢慢的心淡
付清　賬單
平靜的對你熱度退減

一天一點傷心過　這一百數十晚
大概也夠我　送我來回地獄又折返人間
春天分手　秋天會習慣
苦沖開了便淡

真係寫得好好，一段情其實要用幾耐去沖淡，半年，實在太短！

其他仲有"傾城、絕、歡樂今宵、好心分手、多謝失戀..."好多好多都帶俾我好多共鳴，好多感觸，黃偉文，你就係我們80年代的集體回憶！

Happy B-day To 小小

 21/4

今個禮拜好忙呀，首先今日就係同大發行同事一齊慶祝小小正日b-day~

生日快樂！又大一歲喇！(點解你個樣幾時都咁細個ge?!)

我地好多人呀，成17條友去左觀塘大盛食野，埋單都係$12xx真係唔該晒智哥哥

由於太多人同太混亂ge關係，野食就影唔到喇

但我送ge禮物就係呢盒喇，juicy couture ge "1week 底褲"小小稱為"一個禮拜離家出走套裝"

22/4

公司o係九龍灣展貿Annual Dinner

開左百二圍！

司儀係崔建邦同朱凱婷

表演嘉賓係關心妍同鄭嘉穎！！

抽獎頭獎係二萬四千蚊現金獎！！！

但係我一蚊都抽唔到.......

點解我會咁得閒？！

唉，大家知唔知我呢幾日做乜呀？我依然係扮做野，不過好彩有d野係一個月先收一次。但其實我之前已經打完入電腦喇，冇計啦，唔通日日扮對野咩？！

咪唯有扮下入機囉~~~唉，真係好悶呀！又眼睏~好彩可以準時放工咋！